والعمى فعين اللي جابى

الحرامى

اللي سارقنا

وحاطط

من شقانا كحل عينه..

ربنا بينا .. وبينه

اللي خلانا شحتنا..

واللي قاسمنا فقوتنا

يبنى قصر لغول كبير

غول ..مخالبه في رقابنا

والأساس للقصر ..قوتنا ..

وف عَمَاره ..خراب بيوتنا ..

وان بنينا .. فيوم حيطان تستر علينا

يخترع له كام جباية

عالحيطان اللى حيلتنا

من دمانا... من دموعنا...لمّْ للظالم .. وباعنا

لجل كرشه.. يدوم .. وعرشه

نابه في لحم الغلابة ..

لجل ماتشبع ديابه..



يسرق اللقمة ..

غموسها..

من دما ثكلى ..ويتامىَ ..

اه يا ظالم ...

بكره ساعة حق

فيها يتفتح باب المحاكم ...

نقرا أوراق القضية .. .. فيها تتفضح المظالم

والحرامي ..واللي ظالم ..

موش هتنفعله وصيه .. موش هتنفعله عبادة

ويوم ما يسألني حبايبي ..

كل غلبان واتحرم نسمة هوا

كل عيان مات ومش لاقى الدوا

كل شيخ راكع و ساجد ..

كل من بالسِّـبْحة مادد ..

ايد ..

ولابس بنطلون ..

أو جلابية ..

(هوإمتى الحق عاد.. بالسكوت..أو حسن نيه ..)

والحرامي .. واللي ظالم ْ..

واللي عاش للزور في كام مليون شهادة

واللي حاطط شرع ربه ..

خلف ظهره لجل أصحاب السعادة ..

واللي أصبح شكر ربه..

بعد أصحاب السيادة ..

موش هتنفعله عبادة ..

لو هتسألني يا صاحبي

إمتى قلبي .. يسْـتِرَيَّـحْ..

لو هتسأل إمتى ..

روح مجروحه .. تفرح ..

يوم ما أشرب ..

وف صوان كل اللي خانوا




قــهــوة .. ســـــادة

للشاعرة : دينا سعيد عاصم

الله الله الله
لا أقولها إلا إذا رأيت أو سمعت أو قرأت جميلا.
وها أنا أقرأ أروع قصيدة فى أدب المقاومة وشعرية الوطن.
وتستحق الدراسة النقدية التى تسبر أغوار جمالياتها
فالى منتدى النقد التحليلى والموضوعى.
وتثبت
تقديرى لك

قصيدةراقية رقى مبدعتها
بورك حرفك
وتحياتى لك

الاخ الشاعر الكريم عبدالوهاب موسى

استاذى واخى ..تقبل منى تقدير يفوق الكلام وسعادة وتشريف بانضمامى لمنتداكم الكريم الشجاع وصدركم الرحب الذى اتسع لمثل كتابتى المتواضعة..لك كل الود والتقدير والاحترام والمحبة فى الله.

اختك
دينا سعيد عاصم

الجنرال الكريم والكاتب المحترم

اسعدنى مرورك واطرانى ثناءك..دمت وسلمت بالود.

دينا سعيد عاصم

ولا أروع من حرف وطنى كهذا
ولا أجمل من رسم بالكلمات بتلميح راقى
دمت بألق دينا
ولا تتركينا
قفى معنا ليواصل عكاظ تواصله
شاركى الجميع يشاركونك
دمت ألقة
وطاب مقامك معنا
وتحياتى والورود تسبقها

قصيدة راقية يا دينا
بحروف ثائرة ثورة على المستبد
دمت بروعتك
مع تقديرى